Uşşâkî şiirlerinde Muharrem Kerbela 1
Uşşâkî şiirlerinde Muharrem Kerbela 1
Muharremdir tecellí-gah-ı Mevla
Muharremdir cemale rah-ı kusva (1/1)
Muharrem oldı matem-gah-ı sadat
Muharremdir ibadet -gah-ı zíba (1/2)
Muharremdir bahar-ı hüzn ü endüh
Muharrem maşrık-ı necm-i belaya (1/3)
Muharremdir meharimden muharrem
Muharremdir şuhur içre mükerrem (1/4)
Muharremdir şehadet mihr ü mahı
Muharrem itdiren uşşaka ahı (1/5)
Muharremde zhur itdi beliyyat
Heva-yı Ehl-i Beyt’e geldi afat (1/6)
Muharremdir iden çeşmanı çeşme
Muharrem itdiren fettane fitne (1/7)
Muharremdir şuhurda mah-ı matem
Olurlar aşıkun müstağrak-ı gam (1/8)
Muharremde şehíd oldı İmameyn
Muharremde garíb oldı hümameyn (1/9)
Muharrem ağladır uşşakı her dem
Muharrem bahş ider uşşaka matem (10)
….…
Seyyidü’l-kevneyn Muhammed alemin Sultanına
Ka’inat yüz sürmege geldikde asitanına
Sen ne yüzle varacaksın ahiret meydanına
Çünki kıydın nur-ı çeşm-i Mustafa’nın canına
Vacib iken hürmet itmek Ehl-i Beyt’in şanına
Akıbet girdin neden Al-i Aba’nın kanına
….…
Şeyh Abdurrahman Sâmî Efendi’nin Nâme-i Muharrem’i Mehmet Halit AYAR∗
http://www.artuklu.edu.tr/dosyalar/DergiMakale/00000/00000126_iyqgbhpdu2g4q.pdf
Ya Hüseyn
Çeşm-i can-ı aşıka nur-i cilasın ya Hüseyn
Enfus ü afaka şems-i meh-ziyasın ya Hüseyn
Mazhar-ı nur-i celil-i ıstıfadır hilkatin
Umde-i nur-i yakin-i ictibasın ya Hüseyn
Nur-i lahutun muhit-i bahr-ı envar-ı şüihud
Sen şeh-i ma’na-yı kuds-i dü serasın ya Hüseyn
Validin şah-ı velayet maderin Zehra Betul
Sen ciğer-pare-i mahbub-i Hüdasın ya Hüseyn
Hanedan-ı ehl-i mahşer Saki-i Kevser iken
Sen susuzlukdan şehid-i Kerbela’sın ya Hüseyn
Asitan-ı hazretinde bendedir cümle cihan
Zübde-i nur-i Muhammed Mustafa’sın ya Hüseyn
Bahr-i nur dürdanesidir maye-i aslın senin
Sen ziya-yı akdes-i arş-ı ulasın ya Hüseyn
İbtila künhiyle buldun ictiba-yı zat-ı Hak
Sen şefi-i ekber-i yevmü’l-bekasın ya Hüseyn
Bab-ı lutfundan eder Sami kulun hep istinad
Sen huzur-ı Hak’da makbulü’r-recasın ya Hüseyn
(Abdurrahman Sami hz., Divanı Sami, izmir 1980, s. 133)